आजका मुख्य समाचारमा
आज कति थपिए नेपालमा कोरोना संक्रमित ?
९ पुस, काठमाडौं । नेपालमा पछिल्लो २४ घण्टामा थप ६ सय १३ जना कोरोना संक्रमित थपिएका छन्। यससँगै देशभर कोरोना संक्रमितको कुल संख्या २ लाख ५६ हजार ५ सय ९२ पुगेको छ।
ओलीविरुद्ध प्रचण्ड र नेपाल सर्वोच्च अदालत जाने
प्रधानमन्त्री केपी शर्मा ओलीविरुद्ध नेपाल कम्युनिस्ट पार्टी नेकपाका अध्यक्ष पुष्पकमल दाहाल ‘प्रचण्ड ‘र वरिष्ठ नेता माधवकुमार नेपाल सर्वोच्च अदालत जाने भएका छन् ।
बालुवाटारमा जारी ओली समूहको बैठकमा बादल सहभागी
नेपाल कम्युनिष्ट पार्टी (नेकपा) ओली समूहको बैठकमा गृहमन्त्री रामबहादुर थापा ‘बादल’ सहभागी भएका छन्। कुनै समूहको बैठकमा नगएका बादल बिहीबार बालुवाटारमा जारी बैठकमा सहभागी भएका हुन् ।
ओली सरकारविरुद्ध प्रचण्ड-नेपाल समूहले देशव्यापी प्रर्दशन गर्ने
प्रधानमन्त्री केपी ओलीद्वारा संसद् विघटन जस्तो जनघाती कदमको विरोधमा पुष्पकमल दाहाल ‘प्रचण्ड’-माधवकुमार नेपाल समूहले सडकबाटै विरोध जनाउने भएको छ ।
२४ घण्टा यता नेपालमा कोरोना संक्रमणबाट कतिको मृत्यु ?
नेपालमा पछिल्लो २४ घण्टामा थप ५ जनाको कोरोना भाइरसको संक्रमणका कारण मृत्यु भएको छ ।
राष्ट्रपतिसमक्ष अदुअआको प्रतिवेदन पेश
राष्ट्रपति विद्यादेवी भण्डारीसमक्ष अख्तियार दुरुपयोग अनुसन्धान आयोगका कार्यवाहक प्रमुख आयुक्त डा गणेशराज जोशीले राष्ट्रपतिको कार्यालय, शीतल निवासमा आयोजित समारोहमा आयोगको आर्थिक वर्ष २०७६ । ०७७ को वार्षिक प्रतिवेदन पेश गर्नुभएको छ ।
बसले पल्सरलाई ठक्कर दिदा दुई जना घाइते
सुनौलीदेखि पोखरा जाँदै गरेको ग १ ख ७१२३ नम्बरको बसले स्याङ्जाको चिउरी भन्ने ठाउमा बा ३९ प ५३३३ नम्बरको पल्सर बाइकलाई ठक्कर दिदा बाइकमा सवार दुई जना घाइते भएका छन् ।
ओली नेतृत्वको नेकपाद्धारा कार्यकारी अध्यक्ष प्रचण्डलाई कारवाही
प्रधानमन्त्री केपी शर्मा ओली नेतृत्वको नेकपाले कार्यकारी अध्यक्ष पुष्पकमल दाहाल ‘प्रचण्ड’ लाई कारवाही गरेको छ। बिहिबार वालुवाटारमा बसेको बैठकले प्रचण्डलाई कारबाही गर्दै कार्यकारी अध्यक्षबाट हटाएको हो ।
श्रीमानको बाटो हेर्दाहेर्दैै १९ वर्ष बित्यो
द्वन्द्व प्रभावित एकल महिलाले व्यवस्था बदलिए पनि अवस्थामा परिवर्तन हुन नसकेको बताएका छन् । मानवअधिकारका लागि महिला, एकल महिला समूह गण्डकी प्रदेशले बुधबार (हिजो) आयोजना गरेको सङ्क्रमणकालीन न्यायका लागि द्वन्द्व प्रभावित महिलाको पहुँच विषयक प्रदेशस्तरीय गोष्ठीमा सहभागी महिलाले न्याय पाउन नसकेको गुनासो राखेका छन ।
कस्तो अनौठा स्थान : जहाँका मानिस बोल्दा बोल्दै भुसुक्क निदाउँछन्
कस्तो अनौठा स्थान, जहाँका मानिस बोल्दा बोल्दै भुसुक्क निदाउँछन् । त्यो पनि एकजना होइन, दुइ जना होइन गाउँका सबै जना नै कुरा गर्दा गर्दै निदाउँछन् ।
चिनियाँ राजदूत होउ यान्छी र प्रचण्डबीच भेटवार्ता
चिनियाँ राजदूत होउ यान्छी र नेपाल कम्युनिष्ट पार्टी नेकपाका अध्यक्ष पुष्पकमल दाहाल ‘प्रचण्ड’बीच भेटवार्ता भएको छ । राजनीतिक रूपमा विभाजित भइसकेको नेकपाका अध्यक्षलाई भेट्न राजदूत यान्छी बिहीबार बिहान उनको निवास खुमलटार पुगेकी थिइन्।
