जनकपुरधाममा दुईको मृत्यु, एकमा कोरोना पुष्टि

जनकपुरधाममा आइतबार मृत्यु भएका दुईमध्ये एक जनामा कोरोना सङ्क्रमण पुष्टि भएको छ । जनकपुरधामस्थित विनय तारा फाउन्डेसन क्यान्सर अस्पतालमा ४७ वर्षीय पुरुषमा कोरोना सङ्क्रमण पुष्टि भएको हो । मृत्यु भएका व्यक्ती सोही अस्पतालका सुरक्षा गार्डसमेत रहेका थिए ।

उनले रुघाखोकी र पखालासँगै ज्वरोसमेत आउने गरेका कारण गाउँमै औषधि खाइरहेका थिए । आइतबार बिहान अचानक श्वासप्रश्वासमा समस्या भएपछि अस्पताल पु¥याउने बित्तिकै उनको मृत्यु भएको थियो । उनको आइतबार नै दाहसंस्कार गरिसकिएको छ ।

त्यसैगरी काब्या हस्पिटलमा मृत्यु भएको शहीदनगर नगरपालिकाका पुरुषमा भने कोरोना सङ्क्रमण पुष्टि भएको छैन । उनको स्वाब नमूना परीक्षणको नतिजा नेगेटिभ आएको धनुषाका प्रमुख जिल्ला अधिकारी प्रेम भट्टराईले जानकारी दिनुभयो ।