गागलमा पहिरोले पुरिएर एक युवकको मृत्यु

कागेश्वरीमनोहरा नगरपालिका वडा नं. १ स्थित गागलफेदिको घट्टे डाँडामा पहिरोले पुरिएर एक युवकको मृत्यु भएको छ । डाँडामा एक्कासी पहिरो जादाँ लमजुङ स्थायी बसोवास भएका २१ बर्षिय नवराज गुरूङको घटना स्थलमै मृत्यु भएको महानगरीय प्रहरी प्रभाग साँखुका प्रहरी निरिक्षक गोबिन्द पन्थीले जानकारी दिनु भयो ।

गागलमा घर बनाइ बसेका गुरूङ साथीभाई संग डाँडा तिर घुम्न जाँदा हातमुख धुन खोल्चामा पसेको बेला पहिरो खसेर उनलाई पुरेको हो । साथीभाईले निकाल्ने प्रयास गर्दा पनि नसकेपछि प्रहरीलाई खबर गरीएको कागेश्वरीमनोहरा नगरपालिका वडा नं. १का वडा अध्यक्ष मकुन्द गजुरेलले जानकारी दिनुभयो ।

खबर गरेको केहि बेरमै घटना स्थलमा पुगि स्थानीयको सहयोगमा ति युवकको सव निकालिएको र पोष्टमार्टमको लागि टिचिङ अस्पलाल महाराजगंज पठाइएको प्रहरी निरिक्षक पन्थीले बताउनु भयो ।