म्यानमारकी नेतृ आङ साङ सूकीमाथि दोस्रो अभियोग

सेनाले गिरफ्तार गरेकी म्यानमारकी नेतृ आङ साङ सूकीमाथि दोस्रो अभियोग लगाइएको छ।

यसअघि सत्ता हातमा लिएको सेनाको नेतृत्वले अवैध वाकिटकी राखेको अभियोग लगाएको थियो ।

अहिले सैनिक नेतृत्वको सरकारले म्यानमारको नेशनल डिजास्टर कानूनको उल्लंघन गरेको अभियोग लगाएको हो । मंगलबार जारी गरिएको नयाँ आरोपबारे केही स्पष्ट भएको छैन ।

सेनाले फेब्रुअरी १ मा सेनाले निर्वाचित सत्ता हत्याएर शक्ति आफ्नो हातमा लिएको थियो।

सैनिक कू विरुद्ध प्रदर्शन बढ्दै जाँदा सेनामाथि दबाब बढेको छ। सर्वसाधारण, पेशाकर्मी तथा भिक्षुसहितले सेनाविरुद्ध प्रदर्शन गर्दै आएका छन् ।