साउदी अरेबियामा एकैदिन ८१ जना पुरुषलाई मृत्युदण्ड

साउदी अरेबियामा एकैदिन ८१ जना पुरुषलाई मृत्युदण्ड दिइएको सरकारी अधिकारीले बताएका छन्।

गत वर्ष साउदी अरेबियामा ६९ जनालाई मृत्युदण्ड दिइएको थियो। शनिबार मृत्युदण्ड दिइनेमा सात यमनी र एक सिरियाली पनि छन्। उनीहरुमाथि आतंकवादसहितका अभियोग लागेको सरकारी समाचार संस्था एसपिएले जनाएको छ।

मृत्युदण्ड दिइएकामध्ये केहीलाई इस्लामिक स्टेट (आइएस), अल–कायदा र हुथी विद्रोहीसँग जोडिएको आरोप पनि थियो। मृत्युदण्ड पाएकाहरुले निष्पक्ष न्यायिक अधिकार प्राप्त नगरेको हुन सक्ने अधिकारवादी संस्थाहरुले बताएका छन्।