२५ असार, काठमाडौं । सिन्धुपाल्चोकमा बाढी आउँदा १६ जना बेपत्ता भएका छन । बाह्रबिसेमा आएको बाढीले गर्दा १६ जना बेपत्ता भएका र दर्जन बढी घर बगाएको जिल्ला प्रहरी कार्यालय सिन्धुपाल्चोकले जनाएको छ । बाढीका कारण हाइड्रोपावरमा पनि क्षति पुगेको छ ।
दुई जनाको मृत्यु भएको भनिएपनि पुष्टि भएको छैन । जम्बु र भोटेकोशी गाउँपालिकामा बाढीले क्षति पुर्याएपछि प्रहरी परिचालन गरिएको छ । बाढीले जम्बु बजार नै बगाएको बाह्रबिसे नगरपालिकाका मेयर निमफुन्जो शेर्पाले बताएका छन ।
बाढीले अरनिको राजमार्ग पनि भत्काएको छ । जुरे पहिरो नजिकबाटै अरनिको राजमार्ग अवरुद्ध छ । भोटेकोशी थुनिएर बाढी आएको आशंका गरिएको छ । बाढीमा हराइरहेकाहरुको खोजीका लागि हेलिकोप्टर परिचालन गर्ने तयारी छ ।
[sidebar name="button post"]
