साउन ९ , काठमाण्डौ । नारायणगढ मुग्लिङ सडकखण्ड अवरुद्ध भएको छ । चितवनको इच्छाकामना गाउँपालिका ६ चारकिलोमा पहिरो खसेपछि सडक अवरुद्ध भएको मुग्लिङ प्रहरीले जनाएको छ ।
आज बिहान ४ बजेतिर चारकिलोमा पहिरो गएपछि फेरि सडक अवरुद्ध भएको प्रहरीले जनाएको हो । यस्तै पृथ्वी राजमार्ग अन्तर्गत नौबिसे मुग्लिङ सडकखण्ड सञ्चालनमा आउन आज दिनभर नै लाग्ने भएको छ ।
यसैबीच पहिरोका कारण नौबिसे, पालुङटार हुँदै हेटौँडा जाने सडकखण्ड पनि अवरुद्ध भएको छ । गएराति धादिङको सातघुम्तीमा पहिरो खसेपछि यो सडकखण्ड अवरुद्ध भएको धादिङ प्रहरीले जनाएको छ।
[sidebar name="button post"]
