भदाै ८, काठमाण्डौ उपत्यकामा निषेधाज्ञा लागु भए यता ५ हजारभन्दा धेरै गाडीलाई होल्ड गरिएको छ ।
निषेधाज्ञाको पहिलो दिन २९ सय २ वटा गाडीलाई होल्ड गरिएकोमा हिजो ७२३ वटा गाडीलाई होल्ड गरिएको महानगरीय ट्राफिक प्रहरी महाशाखाले जनाएको छ । संक्रमणदर बढ्दै जाँदा अति आवश्यक गाडीबाहेक अरुलाई कडाई गरिएको महाशाखाका सुचना अधिकारी एसपी बामदेव गौतमले बताउनुभयो ।
होल्डमा राखिएका गाडीलाई बेलुकी ८ बजे मात्रै छाड्ने गरिएको छ । सरकारले अनावश्यक घरबाट बाहिर ननिस्कन, निस्कनै परे स्वास्थ्यका मापदण्ड पालना गर्न र सुरक्षित बन्न आग्रह गरिरहेको छ ।
यस्तै निषेधाज्ञाको अवज्ञा गर्ने क्रम बढेमा संक्रामक रोग ऐन २०२० अनुसार कारबाही गर्ने पनि सरकारले चेतावनी दिएको छ ।
