महानगरीय ट्राफिक प्रहरी महाशाखाले हराएका मोटरसाइकल खोजी जारी राखेको छ । विभिन्न समयमा मोटरसाइकल हराएको भनी परेको निवेदनका आधारमा खोजी अभियान चलाउँदा फेला परेका २५ मोटरसाइकल आज सम्बन्धित धनीलाई बुझाइएको छ ।
महाशाखाको पीडित सहायता इकाइबाट सादा पोसाकमा खटिएको ट्राफिक प्रहरीको टोलीले फेला पारेको मोटरसाइकल सम्बन्धित धनीलाई हस्तान्तरण गरेको हो ।
उपत्यकाका बालाजु, वसुन्धारा, मण्डिखाटार, नयाँबजार, ठमेल, सरस्वतीनगर, सामाखुसी, ठमेल, चाबहिल, कलङ्की, ग्रिनल्यान्ड, हात्तीगौडा, बौद्ध, ठमेल, टोखा, बाँनियाटार, कोटेश्वर, गौरीधारा, कुमारीपाटी र गोकर्णेश्वरलगायत विभिन्न स्थानबाट मोटरसाइकल हराएको भनी महाशाखामा निदेवन परेको थियो ।
महाशाखाले चालू आव ०७६÷७७ मा मात्रै चोरी भएका ३६८ वटा मोटरसाइकल फेला पारी सम्बन्धित धनी बुझाएको छ । चोरीमा संलग्न ३७ व्यक्तिलाई आवश्यक कारावाही गरिसकेको छ ।
[sidebar name="button post"]
