बिस्केट जात्रा नरोक्न सर्वोच्चले दियो अन्तरिम आदेश

२५ चैत्र, काठमाण्डौ। सर्वोच्च अदालतले भक्तपुरमा मनाउने बिस्का (बिस्केट) जात्रा नरोक्न अन्तरिम आदेश जारी गरेको छ। जिल्ला प्रशासन कार्यालयले बिस्कास् जात्रा गर्नमा रोक लगाएसंगै सर्वोच्चमा रिट परेको थियो ।

प्रशासनको निर्देशनविरूद्ध अधिवक्ता राजकुमार सुवालले सर्वोच्चमा रिट हालेका थिए । बुधबार उक्त रिटमा न्यायाधीश पुरूषोत्वम भण्डारीको इजलासले जात्रा नरोक्न अन्तरिम आदेश गरेको हो।

त्यस्तै भक्तपुर नगरपालिकाले भने सभ्य र शान्तिपूर्ण तरिकाले जात्रा सञ्चालन गर्ने निर्णय गरिसकेको थियो। नगरपालिकाद्वारा बुधबार डाकिएको बैठकले रथ तान्ने र यसिं (लिंगो) पनि ठ्ड्याउने निर्णय गरेको हो। बिस्का जात्रा चैत २८ बाट हुँदैछ।