प्रधानन्यायाधीशलाई नजरबन्द गरेको र सुरक्षाकर्मी खोसेकोबारे प्रधानमन्त्रीले जवाफ दिनुपर्छः ओली

‘प्रधानन्यायाधीश पदबाट नहट्दै, कुनै अभियोग पुष्टि भएको छैन, त्यस्तो बेलामा प्रहरी लगाएर, राज्य लगाएर, राज्यको शक्ति लगाएर नजरबन्दमा राख्नु, छेकथुन गर्नु अराजकताको पराकाष्टा हो’, उनले भने, ‘यो सरकारको खोपडीले काम गर्न छोड्यो। यो स्वेच्छाचारिता अव्यवहारिक काम जो कुनै नागरिकमाथि आइपर्न सक्छ। प्रधानन्यायाधीशको सुरक्षा खोसियो? कुन कानूनका आधारमा खोसियो? गृहमन्त्रीको तजबिजी कानून, यो देश गृहमन्त्रीको घरबाट ल्याएको देश हो? मनपरी गर्ने देश हो? गृहमन्त्रीको पदमा २-४ महिना कोही व्यक्ति पुग्यो भन्दैमा मनपरी गर्ने देश हो यो? कुन कानूनले यो काम गर्दै हुनुहुन्छ ? कुन कानूनले प्रधानन्यायाधीशलाई बिना पक्राउ पूर्जी नजरबन्दमा राख्नुहुन्छ प्रधानमन्त्रीले जवाफ दिनुपर्छ।’