१७ वैशाख, काठमाण्डौ। जल तथा मौसम पूर्वानुमान महाशाखाले देशभर शुक्रबारको मौसममा आंशिकदेखि सामान्य बदली भइ कतिपय स्थानमा पानी पर्ने सम्भावना रहेको जनाएको छ। शुक्रबार देशका तराईका भूभागमा आंशिक बदली र पहाडी भूभागमा सामान्य बदली रहने छ।
पहाडी भूभागका केही स्थानमा र तराईका एक–दुई स्थानहरुमा अपरान्हपछि मेघगर्जन चट्याङ र हावाहुरीसहित क्षणिक वर्षाको सम्भावना रहेको महाशाखाले जनाएको छ।शुक्रबार राति पनि तराईका भूभागमा आंशिक बदली र पहाडी भूभागमा सामान्य बदली रहनेछ।
महाशाखाको अनुसार देशका पहाडी भूभागका थोरै स्थानमा राति मेघगर्जन र चट्याङ तथा हावाहुरीसहित क्षणिक वर्षाको सम्भावना रहेको छ। अहिले बिहान देशभर आंशिक देखि सामान्य बदली रही लुम्बिनी बागमती र गण्डकी प्रदेशका एक–दुई स्थानहरुमा हल्का वर्षा भइरहेको छ।
हाल देशमा पश्चिमी वायु र स्थानीय वायुको प्रभाव रहेको महाशाखाले जनाएको छ।
