स्पेनिस ला लिगा फुटबलको लिग अन्तर्गत सोमबार राति भएको खेलमा ग्रानाडालाई २–१ ले पराजित गरेसँगै रियल मड्रिड उपाधिको एक जित पर पुगेको हो ।
अवे मैदानमा भएको खेलमा पहिलो हाफमा गरेको दुई गोलको सहयोगमा रियल मड्रिडले जित निकालेको हो।
ग्रानाडाका लागि माचिसले ५० औँ मिनेटमा एक गोल फर्माए । जितसँगै जिनेदिन जिदानको टिम रियल मड्रिड दुई खेल बाँकी हुँदा दोस्रो स्थानको बार्सिलोना भन्दा चार अंकले अघि रहेको छ ।
रियल मड्रिडको ३६ खेलबाट ८३ तथा बार्सिलोनाको ७९ अंक रहेको छ । रियल मड्रिडसँग पराजित भएको ग्रानाडा ५० अंकसहित १० औँ स्थानमा छ ।
ला लिगा अन्तर्गत सोमबार राति भएका अरु खेलमा रियल सोसिडाडले भिल्लारियललाई २–१ ले पराजित गर्दा गेटाफे र एलाभेसले गोलरहित बराबरी खेलेका छन् ।
