एमाले एक क्विन्टल आलु, गठबन्धन एक-एक तोलाको सुन हो- महामन्त्री शर्मा

महामन्त्री शर्माले पालिका चुनावमा कांग्रेस बलियो बन्ने देखेपछि नेकपा एमालेका अध्यक्ष केपी शर्मा ओलीले आफू क्विन्टल र अरू एक/एक किलोको ढक भएको त्रासपूर्ण अभिव्यक्ति दिएको बताए । केही दिनअघि नेकपा एमालेका अध्यक्ष ओलीले एक सार्वजनिक कार्यक्रममा गठबन्धनका पाँच दल एक/एक किलोको ढक भएको र नेकपा एमाले एक्लै क्विन्टल भएको अभिव्यक्ति दिएका थिए ।

महामन्त्री शर्माले भने हामी नकारात्मक ढंगले बौल्दैनौँ, तर हिसाब नमिलेपछि हिसाब बुझाइदिनुपर्छ,” शर्माले भने, “हामी पाँचवटा एक/एक किलाका ढक होइनौँ । हामी एक/एक तोला मात्रै हौँ । क्विन्टलचाहिँ उहाँ क्विन्टल नै हो । तर, एक क्विन्टल आलु र पाँच तोला सुनको हिसाब बजारमा गएर सोध्यो भने कमरेड केपी ओलीलाई थाहा हुन्छ, वास्तविकता के हो ।

शर्माले नेकपा एमालेले बाहिर एक्लै भिड्न तयार रहेको अभिव्यक्ति दिएपनि भित्रभने कमल थापासँग तालमेल गरिरहेको बताए।