प्रधानमन्त्री ओली र विप्लव एउटै मञ्चमा, ओलीले विप्लवसँग सहयात्राको प्रस्तावका साथ अगाडि बढ्ने

२१ फागुन, काठमाण्डौ। एकातिर प्रचण्ड नेतृत्वको नेकपा माओवादीसँगको पार्टी एकीकरण अलपत्र पारेर प्रधानमन्त्री केपी ओली अर्का माओवादी नेतृत्वसँग अर्काे सहमति गर्दैछन् । ओलीले नेकपा माओवादी क्रान्तिकारी (विप्लव) सँग सहयात्राको प्रस्तावका साथ अगाडि बढ्ने रणनीति बनाएका छन् ।

अहिले राजधानीको राष्ट्रियसभा गृहमा प्रधानमन्त्री ओली र नेकपा क्रान्तिकारीका महासचिव नेत्रविक्रम चन्द एउटै मञ्चमा सहभागी भएका छन् । हिजो मात्र सरकारसँग भएको सहमतिपत्रमा हस्ताक्षर गर्न आयोजित सो कार्यक्रममा उनीहरु सहभागी भएका हुन् ।

सरकार र विप्लव समूहबीच हिजो तीन बुँदे सहमति जुटेको छ । कार्यक्रम भर्खरै सुरु भएको छ । दुबैतिरका वार्ताकारसहित ठूलो समूहको उपस्थितिमा कार्यक्रम भइरहेको छ ।