१२ माघ, काठमाडौं । नेकपा प्रचण्ड–माधव समूहका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी ओली प्रतिक्रान्तिकारी भइसकेको बताएका छन् । सोमबार प्रदेश २ का नेता–कार्यकर्तालाई सम्बोधन गर्दै उनले ओलीले कलंकको टीका लगाइसकेको बताएका हुन् ।
कार्यक्रममा सम्बोधन गर्दै उनले आफूहरुको सभापछि प्रधानमन्त्री ओलीले साँचो सभा हामी गर्छौं भनेको सुनाए । उनले अघि भने, ‘केपीले जत्रो ‘सभा’ गरेपनि पञ्च र्याली भन्दा फरक नहुने धारणा राखे ।
पञ्चहरुले पनि आफ्नो शासन ढल्नेढल्ने बेलामा कर्मचारी, पुलिसलाई आउनैपर्छ भनेर बोलाउने तथा पैसा दिएर मान्छे ल्याएर सभाहरु गर्ने गरेको प्रचण्डले आरोप लगाएका छन् ।
