पोखरामा थप दुई जना कोरोना संक्रमितको मृत्यु

१२ मंसिर, काठमाडौं । कोरोना भाइरस संक्रमणबाट कास्कीको पोखरामा थप दुई जना कोरोना संक्रमितको मृत्यु भएको छ ।  पोखरा स्वास्थ्य विज्ञान प्रतिष्ठानमा एकजना महिला  र चरक मेमोरियल अस्पतालमा एकजना पुरूषको उपचारको क्रममा मृत्यु भएको हो ।

प्रतिष्ठानमा पोखरा महानगरपालिका–३२ का ६६ वर्षीया महिलाको शुक्रबार मृत्यु भएको हो । उनीमा मंसिर ५ गते कोरोना संक्रमण पुष्टि भएको थियो । यसैगरी पोखरास्थित चरक मेमोरियल अस्पतालमा पोखरा महानगरपालिका–२ का ५९ वर्षीय पुरूषको मंसिर १० गते मृत्यु भएको हाे ।

उनीमा मंसिर ५ गते कोरोना संक्रमण पुष्टि भएको थियो । उनीमा मिर्गौला र मधुमेहसम्बन्धी समस्या पनि थियो ।