काठमाडौँ महानगरपालिकाले आफ्ना सबै सेवा एकै स्थानबाट उपलब्ध गराउने भएको छ । विभिन्न १३ विभाग रहेको काठमाडौँ महानगरपालिकाले भूकम्पपछि ११ स्थानबाट सेवा प्रदान गर्दै आएको थियो ।
सेवाग्राहीको समस्यालाई ध्यान दिँदै आगामी दिनमा एकै स्थानबाट सेवा प्रदान गर्न लागेको र एकै स्थानबाट सेवा प्रदान गर्न भवन नभेटेको जनाउँदै विभिन्न स्थानमा छरिएर सेवा दिएको काठमाडौँ महानगरपालिकाको भनाइ रहेको छ ।
आगामी दिनमा नेपाल ट्रष्टसँग भाडा सम्झौता गरी काठमाडौँ प्लाजामा सर्न बाटो खुलेसँगै सेवाग्राहीलाई सहज हुने भएको हो । ट्रष्ट र कन्सेप्ट डेभलपर्स प्रालिबीच भएको लिज÷भाडा सम्झौता २०७७ असार २ गते सकिएसँगै उक्त भवन भाडामा बस्नका लागि काठमाडौँ महानगरपालिकालाई पनि सहज भएको छ ।काठमाडौँ महानगरपालिकाले अहिले मासिक भाडाका लागि रु करिब रु २९ लाख खर्च गरिरहेको छ ।
