शरीर सम्बन्धि केहि रोचक तथ्य

एजेन्सी। हाम्रो शरीरमा अनेकौं रहस्यहरू लुकेर बसेका छन् । जुन हामी मध्ये धेरैलाई थाहा नहुन सक्छ ।

केहि रहस्यहरु यस्ता छन् :

काँचो लसुन खानुभयो भने खुट्टामा तागत आउँछ ।

रक्सीको ह्यांगओभर हटाउन मह अत्यन्तै प्रभावकारी हुन्छ ।

गर्मीमा तपाईंको शरीरले करीब तीन ग्यालन पसिना बगाउँछ ।

संसारमा १०० मध्ये पाँच बच्चालाई रक्तचापको समस्या छ ।

देखेको र सुनेको हरेक कुरा हाम्रो दिमागले याद गरिराख्छ ।

बेकिङ सोडाले दाँत माझ्नुभयो भने दाँत चम्किलो हुन्छ ।

गर्भमा छँदा पाएको भोजनको मात्रामा मानिस मोटो वा पातलो हुन्छ ।

नङ, ओठ र गुप्तांगको माथिल्लो हिस्साबाट कहिले पनि पसिना आउँदैन ।

फल र तरकारी खाँदा शरीरमा एकखाले अम्ल उत्पन्न हुन्छ जसले रोगसँग लड्न मद्दत गर्छ ।

दिनमा आधा घण्टा मात्र हिँड्नुभयो भने पनि हृदयघातको खतरा ६० प्रतिशतले घट्छ ।

कोहि व्यक्ति चाहेर पनि तौल कम गर्न सक्दैनन् किनकि उनीहरूको शरीरमा फ्याट सेल अरूको भन्दा धेर हुन्छ ।

हाम्रो शरीरको कुल वजनको दुई प्रतिशत मात्र भार दिमागको भएपनि शरीरको २० प्रतिशत अक्सिजन यसलाई आवश्यक हुन्छ । यही अनुपातमा दिमागलाई क्यालोरीको पनि आवश्यकता पर्छ ।

बीस वर्षभन्दा बढी हुनुभएको छ भने वर्षको एकचोटि शरीरको जाँच गराउनुहोस् । कोलेस्ट्रोल,रक्तचाप र चिनीको मात्रा सहि छ कि छैन भनि थाहा पाइराख्नुपर्छ ।

खानाको नशा लागूऔषधको नशा जस्तै हुन्छ । यसले तपाईंको दिमागलाई बारम्बार खानातर्फ लग्छ र खाना खाँदा यसैकारण दिमाग एकदमै सक्रिय हुन्छ ।

कसरत गर्ने महिलालाई क्यान्सरको सम्भावना एकदमै कम हुन्छ । त्यसको लागि तपाईंले पर्याप्त निद्रा पनि पुर्याउनुपर्छ ।