छोरी नभएका बुवाभन्दा छोरी भएका बुवा बढी बाँच्ने

छोरी नभएका बुवाभन्दा छोरी भएका बुवा बढी बाँच्ने एक अनुसन्धानले जनाएको छ। ज्यागेलोनियन विश्वविद्यालयका अनुसन्धानदाताले दाबी गरिए अनुसार छोरीहरु भएका बुवा धेरै वर्षसम्म बाँच्छन् ।

एउटी छोरीले पिताको कूल आयुमा ७४ हप्ता आयु थपिदिने अमेरिकन साइकोलोजिकल असोसिएशन जर्नल बिहेवियरल न्यूरो साइन्सको अनुसन्धानले देखाएको छ ।

अनुसन्धानका अनुसार दुबै छोरा र छोरीले आमाको स्वास्थ्यमा नकारात्मक असर पुर्याउँछन् जसका कारण उनीहरुको आयु घट्ने गरेको  छ । अनुसन्धानका अनुसार जब छोरी आफ्ना पितासँग हुन्छिन् तब पिताको ब्रेन सिग्नल छोरासँग हुँदाभन्दा निकै भिन्न हुन्छ ।

छोरीको स–साना कुराले उनीहरुलाई खुसी दिन्छ र उनीहरुले आफूलाई छोरीप्रति बढि जिम्मेवार पाउने गर्छन् ।