आज सुनचाँदीको मूल्यमा वृद्धि, कति पुग्यो तोलाको ?

१३ असार, काठमाण्डौ। नेपाली बजारमा आज सुन तोलामा २ सय रुपैयाँले वृद्धि भएको छ ।

नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला ९० हजार ७ सय रुपैयाँमा कारोबार भैरहेको छ।

त्यस्तै तेजावी सुन ९० हजार २ सय रुपैयाँमा कारोबार भैरहेको महासंघले जनाएको छ।

गत शुक्रबार छापावाल सुन ९० हजार ५ सय रुपैयाँ, तेजावी ९० हजार रुपैयाँ र चाँदीको भाउ १ हजार ३ सय रुपैयाँमा कारोबार भएको थियो ।

त्यस्तै चाँदी ५ रुपैयाँले बढेको महासंघले जनाएको छ । आज चाँदीको भाउ १ हजार ३०५ रुपैयाँ कायम गरिएको छ ।