निरन्तर उकालो लागेको सुनको मूल्य बुधबार स्थीर, चाँदी भने घट्यो

साताको सुरुवात देखि नै निरन्तर उकालो लागेको सुनको मूल्य बुधबार भने स्थीर बनेको छ ।  नेपाल सुनचाँदी व्यवसायी महासंघका अनुसार मंगलबार प्रतितोला ३०० रुपैयाँले बढेको सुनको मूल्य बुधबार स्थीर बनेको हो ।

महासंघका अनुसार बुधबारका लागि छापावाला सुनको भाउ तोलाको ९४ हजार ५०० रुपैयाँ, तेजावी ९४ हजार रुपैयाँ र चाँदीको भाउ प्रतितोला १ हजार ३६० रुपैयाँ कायम गरिएको छ ।

मंगलबारको तुलनामा बुधबार चाँदी तोलाको १० रुपैयाँले घटेको हो । मंगलबार सुनको कारोबार सोही मूल्य भएपनि चाँदी भने प्रतितोला १ हजार ३७० रुपैयाँमा कारोबार भएको थियो ।