सरकारले पछिल्लो समय धेरै सङ्क्रमितमा गम्भीर लक्षण देखिन थालेकोले उपचारको लागि आईसीयू बेड र भेन्टिलेटरको अभाव हुन सक्ने भएकाले निकै सतर्क रहन सर्वसाधारणलाई अनुरोध गरेको छ ।
अहिले देशभर २६ सय आईसीयू र नौ सय भेन्टिलेटर रहेका छन् । कोरोनाको उपचारको लागि दुई सय ५० आईसीयू बेड र भेन्टिलेटर थपिएको उहाँले जानकारी दिनुभयो । दुई सय बेड थप्न प्रक्रिया अघि बढाइएको छ ।
नेपालमा कोरोना भाइरस सङ्क्रमणको कारण अहिलेसम्म ७० जनाको मृत्य भइसकेको छ । ६६ जना सङ्क्रमित आईसीयू मा छन् भने तीन जना भेन्टिलेटरमा रहेका छन् ।
