काठमाण्डौको कपनमा ढलमा खसेर बालक बेपत्ता

६ असोज, काठमाण्डौ। काठमाण्डौको कपनमा ढलमा खसेर एक बालक बेपत्ता भएका छन् । बेपत्ता बालकको पहिचान खुल्न सकेको छैन ।

बूढानीलकण्ठ नगरपालिका–१० र काठमाण्डौ महानगरपालिका–६ को सिमानामा रहेको तरकारी बजार नजिकैको ढलमा खसेर मङ्गलबार राति ति बालक बेपत्ता भएको महानगरीय प्रहरी प्रभाग कपनका प्रहरी निरीक्षक भगवती तिमल्सिनाले जानकारी दिनुभयो ।

स्थानीयवासी र प्रहरीले बेपत्ता बालकको खोजी गरिरहेका छन् ।