ओली र पौडेललाई पदबाट हटाइयाे

१९ माघ, काठमाडाैं ।  नेकपा प्रचण्ड माधव पक्षले केपी ओलीलाई साधारण सदस्य समेत नरहने गरी पार्टीबाट हटाएको छ । यस्तै महासचिव विष्णु पौडेललाई सो पदबाट हटाएको छ । सोमबार बसेको प्रचण्ड नेपाल पक्षको चौथो केन्द्रीय समिति बैठकले सो निर्णय गरेको हो ।

ओलीविरुद्धको कारबाही अनुमोदन गर्दै प्रचण्ड–माधव समूह

१९ माघ, काठमाडौं । प्रचण्ड–माधव समूहको नेकपा केन्द्रीय कमिटी बैठकले प्रधानमन्त्री केपी ओलीलाई यसअघि पार्टीको साधारण सदस्यबाट समेत निष्काशन गर्ने भनी गरेको निर्णयलाई आज अनुमोदन गर्दैछ ।

एम्बुस आक्रमणमा परी छ आतङ्ककारी ज्यान गयो

२० माघ, पुल इ अलाम । अफगानिस्तानको लोगार प्रान्तमा अफगान सेनाले आइतबार राती गरेको एम्बुस आक्रमणमा परी छ आतङ्ककारी मारिनुको साथै अन्य चार घाइते भएका सेनाका प्रवक्ता इमाल मोहमदले सोमबार जानकारी दिनु भएको छ ।

भारतमा आर्थिक वर्ष २०२१/२२ को बजेट सार्वजनिक

१९ माघ , एजेन्सी । भारतले आगामी अप्रिलदेखि सुरु हुने आर्थिक वर्ष २०२१/२२ को बजेट सार्वजनिक गरेको छ । भारतीय अर्थमन्त्री निर्मला सितारमणले सोमबार पहिलोपटक ट्याबलेटबाट बजेट पेस गरेकी हुन् । सोमबार बजेट भाषणको क्रममा सबै सांसदलाई पनि बजेटको डिजिटल कपी दिइएको थियो ।

अष्ट्रेलियालीलाई अक्टोबरसम्म कोरोनाको खोप दिइने

१९ माघ, क्यानबेरा । अष्ट्रेलियाली नागरिकहरुलाई आगामी अक्टोबर महिनासम्ममा कोरोना भाइरस विरुद्धको खोप दिइसक्ने बताइएको छ । अष्ट्रेलियाली प्रधानमन्त्री स्कट मरिससले सोमबार सो कुराको जानकारी गराउनुभएको हो । उहाँले नेसनल प्रेस क्लबमा आज गर्नुभएको सम्बोधनका क्रममा सो जानकारी दिनुभएको राजधानी क्यानबेराबाट विभिन्न अन्तर्राष्ट्रिय सञ्चारमाध्यमहरुले जानकारी गराएका छन् ।

आज राति सेनाकाे गाडीले चक्रपथ परिक्रमा गर्दै

१९ माघ, काठमाडाैं । नेपाली सेनाका करीब १० बख्तरबन्द गाडीले आज राति चक्रपथ परिक्रमाको अभ्यास गर्दैछन् । सेनाको नियमित अभ्यासअनुसार नै ती गाडीले चक्रपथको चक्कर लगाउने योजना बनेको हो ।

हल्लाको पछि लाग्नु हुँदैन : उपप्रम पोखरेल

१९ माघ, नुवाकोट । उपप्रधानमन्त्री ईश्वर पोखरेलले तोकिएको समयमा नै प्रतिनिधिसभा निर्वाचन हुने बताउनुभएको छ । सदरमुकाम विदुरमा नेपाल कम्युनिष्ट पार्टी९नेकपा० को आयोजनामा आज भएको पत्रकार सम्मेलनमा उपप्रधानमन्त्री पोखरेलले कोही कसैले पनि तोकिएका समयमा निर्वाचन होला कि नहोला भनेर आशङ्का गर्नुपर्ने अवस्था नभएको स्पष्ट गर्नुभयो ।

मध्यरातमा आगलागी हुँदा एक वृद्धको जलेर मृत्यु

१९ माघ, झापा । जिल्लाको कचनकवल गाउँपालिका–१ स्थित घेराबारीमा मध्यरातमा आगलागी हुँदा एक वृद्धको जलेर मृत्यु भएको छ । मृत्यु हुनेमा ६० वर्षीय गोवद्र्धन राजवंशी रहेको जिल्ला प्रहरी कार्यालय झापाले जनाएको छ ।

गर्भवती महिलाको फोक्सोमा पानी जम्दा मृत्यु

१९ माघ, सिमकोट ।  हुम्लाको खार्पुनाथ गाउँपालिका–१ का गर्भवती महिलाको मृत्यु भएको छ । वडा नं १ की २१ वर्षीय गीता बुढालाई गर्भवती हुने समयअघि नै व्यथा लाग्दा फोक्सोमा समस्या भएर मृत्यु भएको जिल्ला अस्पताल हुम्लाले जानकारी दिएको छ ।

प्रचण्डविरूद्ध अपहेलना मुद्दा दर्ता

१९ माघ, काठमाडौं । नेकपा कम्युनिष्ट पार्टी नेकपाको दाहाल नेपाल समूहका अध्यक्ष पुष्पकमल दाहाल ‘प्रचण्ड’विरूद्ध सर्वोच्च अदालतमा अपहेलना मुद्दा दर्ता भएको छ ।

सुनको मूल्य पाँच सयले बढ्यो, तोलाको कति पुग्यो ?

१९ माघ, काठमाण्डौ। नेपाली बजारमा साताको दोस्रो दिन आज सुनको मूल्य बढेको छ। सोमबार छापावाला सुनको मूल्य तोलामा पाँच सय रुपैयाँले बढेर ९२ हजार छ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । आइतबार छापावाला सुनको मूल्य तोलाको ९२ हजार एक सय रुपैयाँमा कारोबार भएको थियो।

कक्षा १२ को परिक्षाफ़ल सार्वजनिक

१९ माघ, काठमाण्डौ।  राष्ट्रिय परीक्षा बोर्डले कक्षा १२ को नतिजा सार्वजनिक गरेको छ । बोर्ड बैठकको निर्णयपछि नतिजा सार्वजनिक गरिएको हो ।

आज माघ १९ गते सोमबार, यस्तो छ तपाईंको राशिफल