प्रधानमन्त्री देउवाले आफूले हँसिया हथौडामा भोट हालिसकेको र आगामी निर्वाचनमा पनि हाल्ने उल्लेख गर्दै कांग्रेसका नेता–कार्यकर्ताले पनि त्यसै गर्ने बताए । मंगलबार ललितपुरमा आयोजित सत्तारुढ गठबन्धनको अगुवा कार्यकर्ता भेलालाई सम्बोधन गर्दै उनले आगामी निर्वाचनमा सत्तारुढ गठबन्धनले अत्यधिक बहुमत ल्याउने गरी मतदान गर्न पनि आममतदातालाई आग्रह गरेका हुन् ।
देउवाले भने ‘कलम भएको ठाउँमा कलमलाई नै, हँसिया हतौडा भएको ठाउँमा हँसिया हतौडालाई र रुख भएको ठाउँमा रुखलाई नै भोट हाल्ने । यति भए पुगिहाल्यो नि । किन चाहियो अरु कुरा ?,’ उनले भने ।
सत्तारुढ गठबन्धनले अत्यधिक बहुमत ल्याए मुलुकमा स्थायी शान्ति, स्थायी लोकतन्त्र र गणतन्त्रले पनि स्थायित्व पाउने उनको भनाइ थियो । प्रधानमन्त्री देउवाले गठबन्धन दलहरूबीच अविश्वासको वातावरण नरहेको भन्दै खुसीसमेत व्यक्त गरे ।
