ट्रकले ठक्कर दिँदा स्कुटर चालकको मृत्यु

पूर्वपश्चिम राजमार्गअन्तर्गत रत्ननगर नगरपालिका–३ तरकारीचोकमा गएराति ट्रकले ठक्कर दिँदा स्कुटर चालकको मृत्यु भएको छ ।

इलाका प्रहरी कार्यालय टाँडीका अनुसार अन्दाजी ३१ वर्षीय पुरुषको पुरानो मेडिकल कलेजमा उपचारका क्रममा मृत्यु भएको हो । मृतकको परिचय खुलिसकेको छैन ।

पूर्वबाट पश्चिमतर्फ आइरहेको ना४ख ४१५५ नं को ट्रकले विपरीत दिशातर्फ गइरहेको ना४७प ६१८९ नं को स्कुटरलाई ठक्कर दिएको प्रहरीले जनाएको छ । ट्रकलाई नियन्त्रणमा लिइएको र चालक फरार रहेको प्रहरीले जानकारी दिए ।