प्युठानको गाँजुरीमा बन्न लागेको शहीद स्मृति उद्यानमा विभिन्न संरचना निर्माण

त्यस्तै रेलिङ, पर्खाल तथा सडक निर्माणको काम सम्पन्न भएको निर्माण व्यवस्थापन समितिका सचिव झविन्द्र शर्माले बताउनुभयो । चालु आवमा डिभिजन वन कार्यालयबाट रु २२ लाख र भवन तथा शहरी विकास कार्यालयबाट विनियोजित रु १५ लाखमा विभिन्न संरचना निर्माण गरिएको छ । अघिल्लो आवमा वन डिभिजन कार्यालयको रु ५० लाखमा वाटर फाउण्टेन र शहीदको शालिक राख्ने काम भएको थियो ।

वन कार्यालयको रु दुई लाखको सहयोगमा कालिका सामुदायिक वनमार्फत उद्यानमा नर्सरीसमेत तयार गरिएको छ । प्रदेश नं ५ सरकार र नगरपालिकामार्फत चालु आवमा विनियोजन भएको रु ४८ लाख बजेटबाट तारबार र खम्बा गाड्ने काम सम्पन्न भएको छ । सोही रकमबाट तीन वनभोजस्थल, पानी ट्याङ्की, शौचालय निर्माणलगायतकाल संरचना निर्माण गरिने छ भने उद्योग वााणिज्य सङ्घको सहयोगमा प्रवेश निर्माणद्वार हुनेछ ।

कोरोना सङ्क्रमणको नियन्त्रणका लागि गरिएको बन्दाबन्दी र वर्षाका कारण निर्माणको काम भने केही प्रभावित भएको छ । प्युठान उद्योग वाणिज्य सङ्घ, नगरपालिका र वन कार्यालयको सक्रियतामा आठ बिघा क्षेत्रफलमा उद्यान निर्माणको काम थालिएको हो । सो निर्माणका लागि रु १४ करोड १४ लाख ८१ हजार ६ सयको बजेट अनुमान गरिएको छ । बहुवर्षीय योजना भएकाले आगामी आर्थिक वर्षका लागि पनि विभिन्न निकायबाट सहयोग आएको निर्माण व्यवस्थापन समितिका सचिव शर्माले बताउनुभयो ।

धार्मिक तथा पर्यटकीयस्थलमा सिंढी निर्माण गरिएसँगै आन्तरिक तथा बाह्य पर्यटक ओखरकोटमा पुग्नलाई सहज भएको छ। ओखरकोट पुग्नका लागि पेदीपाटाबाट सिंढी निर्माण शुरु गरिएको झिमरुक गाउँपालिकाका सबइञ्जिनीयर नगेन्द्र आचार्यले बताउनुभयो । अघिल्लो वर्ष २८८ मिटरमा २८७ वटा सिंढी निर्माण गरिएको छ भने यस वर्ष २२ मिटरमा २४९ सिंढी निर्माण गरिएको उहाँले बताउनुभयो । सिंढीका दायाँबायाँ आकर्षक रेलिङ बनाइएको छ । धार्मिक पर्यटनका साथै घुम्नका लागि मनोरम प्राकृतिक टापु र प्राकृतिक दृश्यावलोकन यस क्षेत्रका प्रमुख विशेषता हुन् ।