१९ माघ, काठमाडौं । पछिल्लो २४ घण्टामा देशभर १५९ जनालाई कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ४ हजार १४५ जनाको पीसीआर परीक्षण भएकोमा १५७ जनालाई कोरोना पोजेटिभ देखिएको हो ।
आज थपिएकासँगै नेपालमा कोरोना संक्रमितको संख्या २ लाख ७१ हजार ११८ पुगेको छ । संक्रमण पुष्टि भएकामध्ये २ लाख ६६ हजार ६ सय जना निको भएका छन् । पछिल्लो २४ घण्टामा २६४ जनाले कोरोना जिते ।
यसैगरी २४ घण्टामा कसैको पनि मृत्यु भएको छैन । हालसम्म कोरोना संक्रमित मृतकको संख्या २ हजार २ढ पुगेको छ । यसअघि १८९ दिनपछि अर्थात् माघ १६ गते पनि कसैको पनि मृत्यु पुष्टि भएको थिएन । त्यसअघि साउन ४, ५ र ८ गते मृत्यु संख्या शून्य थियो । आज सक्रिय संक्रमितको संख्या २ हजार ४८९ रहेको छ ।
