११ भदौ, काठमाण्डौ। पछिल्लो २४ घण्टामा काठमाण्डौ उपत्यकामा थप ७१५ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार आज काठमाण्डौमा ४५४ जना, भक्तपुरमा ९२ जना र ललितपुरमा १६९ जना कोरोना संक्रमित थपिएका हुन् ।
नेपालमा पछिल्लो २४ घण्टामा थप २ हजार ६५ जनामा कोरोना संक्रमण पुष्टि भएको छ भने थप २५ जना कोरोना संक्रमितको मृत्यु भएको छ। त्यस्तै २ हजार ३३७ जना संक्रमणमुक्त भएका छन्।
हाल देशभर ३७ हजार ५९९ जना सक्रिय संक्रमित रहेको स्वास्थ्य मन्त्रालयले जनाएको छ।
