१८ पुस, सर्लाही । सहरी विकास मन्त्री प्रभु साह सवार गाडीले शनिबार सर्लाहीको हरिवनमा एक पैदल यात्रुलाई ठक्कर दिएर भागेको छ ।
पश्चिमबाट पूर्वतर्फ आउँदै गरेको साह सवार ना १ झ ३८४२ नम्बरको जिपले लालबन्दी नगरपालिका–८ का ३० वर्षीय बच्चु तामाङलाई ठक्कर दिएको थियो । घाइते तामाङको अवस्था सामान्य छ ।
रौतहटबाट काठमाडौं हिँडेको सहरी विकास मन्त्री प्रभु साह सवार गाडीले सर्लाहीमा एक सर्वसाधारणलाई ठक्कर दिएको पत्ता लागेको सर्लाही प्रहरी प्रवक्ता डिएसपी मदन कुँवरले जानकारी दिएका छन् ।
ठक्करबाट घाइते भएका तामाङको हरिवनस्थित स्वाभिमान अस्पतालमा उपचार भइरहेको छ ।
[sidebar name="button post"]
