निर्वाचन आचारसंहिता नियमित अनुगमन गर्न प्रेस काउन्सिललाई आयोगको पत्र

काठमाडौं: निर्वाचन आयोगले पत्रकार तथा सञ्चारमाध्यमले निर्वाचन आचारसंहिता पालना गरे/नगरेको नियमित अनुगमन गर्न प्रेस काउन्सिल नेपाललाई आग्रह गरेको छ।

यसअघि सेना र प्रहरी समेत सहभागी गराएर प्रेस सेन्टर स्थापना गरेर अनुगमन गर्न लागेको आरोप खेपेको आयोगले अनुगमनका लागि काउन्सिललाई लेखी पठाउने निर्णय गरेको हो ।

शुक्रबार आयोगले काउन्सिललाई पत्र पठाउँदै निर्वाचन आचारसंहिता कार्यान्वयनको अनुगमनको क्षेत्राधिकार काउन्सिलभित्र पर्ने विषय भएकोले प्रतिनिधि सभा तथा प्रदेश सभा सदस्य निर्वाचन, २०७९ लाई लक्षित गरी नियमित अनुगमन गर्न भनेको हो।