साताको दोस्रो दिन पनि सुनको मूल्यमा वृद्धि, कतिमा हुँदैछ कारोबार ?

१० जेष्ठ, काठमाण्डौ। नेपाली बजारमा साताको दोस्रो दिन सोमबार पनि सुनको मूल्य बढेको छ।

नेपाल सुनचाँदी व्यवसायी महासंघका अनुसार आइतबार प्रतितोलाको ९३ हजार ६ सय रुपैयाँमा कारोबार भएको छापावाला सुन आज प्रतितोला एक सय रुपैयाँले बढेर ९३ हजार ७ सय रुपैयाँमा कारोबार भइरहेको छ।

त्यस्तै आज तेजावी सुनको मूल्य पनि बढेर ९३ हजार २ सय पुगेको छ।

त्यसैगरी आइतबार ५ रुपैयाँले घटेको चाँदीको मूल्य सोमबार ५ रुपैयाँले नै बढेको छ। आज चाँदीको मूल्य तोलाको १३ सय ५० कायम भएको नेपाल सुनचाँदी व्यवसायी महासंघले जनाएको छ ।