१२ चैत्र, महोत्तरी। एक महिनादेखि ओछ्यानसहित बेपत्ता झा दम्पतीको शव बिहीबार फेला परेको छ। जिल्लाको पिपरा गाउँपालिका वडा नम्बर–५ सहोड़वाबाट अपहरित ६५ वर्षीय मुसाफिर झा र उनकी ५८ वर्षीया श्रीमति गीतादेवी झाको शव महोत्तरीकै पिपरा गाउँपालिका–२ स्थित अतरार जाने बाटोमा बोराभित्र माटोमुनि पुरिएर राखेको अवस्थामा फेला परेको हो ।
दुईवटा बोरामा हत्या गरेर माटो मुनि पुरिएको अवस्थामा दुबैजनाको शव बरामद भएको जिल्ला प्रहरी कार्यालय महोत्तरीले जनाएको छ ।दुबै शवको शरीरको हड्डीहरु मात्र देखिएको छ ।
कपडाको आधारमा परिवारजनले दुबै शवको पहिचान गरेको छ । सीआईबी, महोत्तरी प्रहरी र प्रदेश २ प्रहरी टोली घटनास्थलमा अनुसन्धान गरिरहेको छ ।
[sidebar name="button post"]
