शीर्ष स्थानको होडमा रहेको म्यानचेस्टर युनाइटेड इंग्लिस प्रिमियर लिग फुटबल अन्तर्गत बुधबार राति भएको खेलमा पराजित भएको छ ।
घरेलु मैदानमा भएको खेलमा म्यानचेस्टर युनाइटेड शेफिल्ड युनाइटेडसँग २–१ ले पराजित भएको हो । पुछारको टिम शेफिल्डका लागि २३ औँ मिनेटमा किन ब्रायन तथा ७४ औँ मिनेटमा ओलिभर बर्कले गोल गरेका हुन् ।
हारपछि पनि दोस्रो स्थानमा रहेको म्यानचेस्टर युनाइटेडको २० खेलबाट ४० अंक भएको छ ।
शीर्ष स्थानमा रहेको म्यानचेस्टर सिटीले एक खेल कम खेलेको भए पनि ४१ अंक छ । पुछारको शेफिल्डको २० खेलबाट ८ अंक भएको छ ।
बुधबार राति नै भएको खेलमा तेस्रो स्थानको लेस्टर सिटी एभर्टनसँग १–१ को बराबरीमा रोकियो । बर्नलीले एस्टन भिल्लालाई ३–२ ले पराजित गर्दा चेल्सी र वुल्भ्स तथा ब्राइटन र फुलह्यामले गोलरहित बराबरी खेलेका छन् ।
[sidebar name="button post"]
